Doza Sereke ya KCK’ê ya Stenbolê ku 91 jê girtî 205 siyasetmedarên kurd tên darizandin didome. Di danişînê de siyasetmedarên kurd Abdulkadîr Akdag parastina xwe kir û diyar kir ku di îdianameyê de bi gelek îdiayana BDP tê sûcdarkirin û got li BDP’ê komplo hatiye kirin.

Doza sereke ya KCK’ê a Stenbolê ku 205 siyasetmedar tên darizandin bi parastinan didome. Danişîna li 15’emîn Dadgeha Cezya Giran a Stenbolê hat dîtin, de parastina serokê BDP’a Fatîhê Abdulkadîr Akdag berdewam kir û da zanîn ku di îdianameyê de îdiayên bê bingeh hene.

Akdag der barê civînên ku tê îdia kirin aydê KCK’ê ne parastin kir û wih agot: “Di dosyaya min de tê gotin ku civîn di 15 deqeyan de pêk hatiye. Gelo civînek çawa di 10-15 deqeyan de pêk tê û biryara wê tê dayîn? Gelek civînê ez tevli nebûme jî tê îdiakirin ez tevlibûme. Her wiha tu eleqeya van ciînan bi KCK’ê nîne. Ev civînên BDP’ê bûn û BDP’ê eleqeder dike.

Akdag wiha got: “Di 2011’an de polîsan bi ser konê çareseriya demokratîk a ji aliyê BDP’ê ve hatibû avakirin girtin û dest danîbûn ser kurisyan. Ez ji bo kursiyan bigirin çûm midûriyeta polîsan.  Lê midûr got; vî bigirin binçavan. Ez du saetan binçav kirim. Îfadeya min girtin û doz li min vekirin. Niha jî ev di dosyayê de derketiye pêş min. Min tu wate nedayê.

Piştî parastinê der barê îkameyê delîlan a der barê Akdag de bûn.  Heyeta dadgehê der barê civînên BDP’ê de ji Akdag pirs pirsî.  serokê Dadgehê Alî Alçik got tê gotin ku tevli civîna rêveberiya asta bilind a KCK TM’ê bûne? Akdag got: “Hun dibêjin rêveberên KCK’ê, lê ew hemû BDP’îbûn.  Serokê BDP’ê ne. Gelo ji KCK’ê kî hebû. Ev ji ku derket. Ev îdia tu eslê wê nîne. Ev komployeke.”