Bi hezaran kesên li ser sînorê Kobanê li gundê Alîzêr nobeta berxwedanê de ne, di saetên serê sibehê de bi armanca piştgiriya bi YPG/YPJ’ê xelaka ji mirovan çêkirin û bi dirûşmayên gotin berxwedana Kobanê silav kirin.

Bi armanca piştgiriya bi hêzên YPG/YPJ’ê ên bi rojane li hemberî êrîşên çeteyên DAIŞ ên bi çekên giran êrîşî Kobanê dikin, nobeta berxwedana gel a li ser sînor didome. Gelê li gundê Alîzêr ê li rojhilatê Kobanê ye nobeta berxwedanê digirin di saetên serê sibehê de xelaka ji mirovan çêkirin. Bi hezaran kesên ji bajarên herêmê hatin meşiyan û li cihekî nêzî xeta sînor xelekek ji mirovan a 3 kîlometre dirêj çêkirin.

Yên di nav xeleka ji mirovan de bi dirûşmayên “Kobanê ji DAIŞ re bibe goristan”, “Bijî berxwedana Kobanê” piştgirî dan hêzên YPG/YPJ’ê yên bi rojane li Kobanê li hemberî çeteyên DAIŞ berxwedan dimeşînin. Piştî xwendina sirûda “Çerxa Şoreşê” gel li erdê rût bi keviran YPG nivîsand.

Çalakî ku bi tilîlî û dirûşmayan bi dawî bû, her saeta diçe hejmara yên tevlî nav kesên li nuqteyên sînor nobetê digirin zêde dibe. Bi hezaran kes herikîn sînor û banga tevlîbûna nobeta berxwedanê dikin.