Alî Koç ku di 15'ê Kanûna 1992'yan de li Amedê hate girtin û ji aliyê Dadgeha Ewlehiyê ya Dewletê (DGM) ya Amedê ve bi îdiaya "Xerakirina yekitî û yekparetiya dewletê" cezayê heta bi hetayê lê hate birîn, zêdeyî 31 sal in di girtîgehê de ye.

Koç ku piştî girtîgehên Amed û Dîlokê 16 sal in li Girtîgeha Girtî ya Tîpa T ya Karabûkê tê girtin, diviyabû di 15'ê Kanûna 2022'yan de bihata berdan lê ji ber biryara Lijneya Îdare û Çavdêriyê nehat berdan. Heyetê bi hinceta 26 cezayên cuda yên dîsîplînê li Koç hatine birîn û ji girtiyên siyasî dûr neketiye, înfaza wî salekê taloq kir.

Şandeya Çavdêrî û Îdareyê piştî salekê di meha çileyê de careke din rewşa berdana Koç nirxand û bi heman hincetê careke din înfaza wî taloq kir. Lijneyê vê carê înfaza Koç 3 mehan taloq kir.

Koç ku têkildarî mijarê bi malbatê re axivî , ragihand ku li wir ji 24 girtiyan înfaza 14 girtiyan qediyaye lê nayên berdan û bang li raya giştî kir ku di vî warî de hesas be.