Siyasetmedara Kurd Ayten Kaplan a di hilbijartinên duh ên li Elmanyayê de bi rêjeyeke kêm a dengan nekarî têkeve Parlamenta Federal bibe, ji her kesên piştgirî dan wê re spas kir.

Namzeta parlamenteriyê siyasetmedara Kurd Ayten Kaplan, di serî de Federasyona Komeleyên Kurd li Elmanyayê (YEK-KOM) ji aliyê gelek saziyên koçberan ên Kurdistanî û Tirkiyeyî yên li Elmanyayê ve dihat destekkirin. Kaplan li Eyaleta NRW di rêza 11. a lîsteya Partiya Çep de têdikoşiya. Partiya Çep jî li vê eyalete karî 10 parlamenteran bişîne Meclîsê.

Piştî ku encamên hilbijartinê hatin aşkerakirin Ayten Kaplan daxuyaniyeke nivîskî weşand û diyar kir ku wê hilbijartin bi rêjeyeke kêm winda kiriye. Kaplan diyar kir ku Partiya Çep zêdeyî bendewariyan deng stendiye û bûye partiya sêyemîn a welêt.

Kaplan di daxuyaniya xwe de ji her kesên piştigirî dane wê û ji bo serketina wê ked dane, spasiyên xwe pêşkêş kir.