STRASBOÛRG

Li bajarê Fransa Strasboûrgê, Komîteya Malbatên Şehîdan ji bo bibîranîna Şehîdên meha Gulanê civîn lidarxist. Civîna bibîranînê ya ku li Navenda Civaka Demokratîk a Kurd pêk hat, li ser navê Komîteya Malbatên Şehîdan axaftin hat kirin û bal hat kişandin li ser têkoşîna azadiyê ya şehîdan ku bi merheleyan gihandine vê astê.

Piştî axaftinan sînevizyon hat temaşekirin.

SWÎSRE

Li bajarê Lozan ê Swîsreyê bi tevlîbûna dehan kesan li Navenda Civaka Demokratîk a Kurd (NCDK) civîna bibîranînê hat lidarxistin. Piştî axaftina destpêkê merasîm bi rêzgirtinê dest pê kir û li ser navê NCDK,PYD û MLKP'ê axaftin hatin kirin.

Di axaftinan de, bal hat kişandin li ser girêdanbûna bi bîranîna şehîdan û divê  xwedî li bîranînê wan derbikevin. Piştî axaftinan sînevizyon hat temaşekirin û helbest hatin guhdarkirin.

GRAZ

Kurdistaniyên ku li bajarê Graz ê Awûstûrya û derdora wê dijîn, li Navenda Civaka Demokratîk a Kurd ji bo şehîdên şoreşa Kurdistanê civîna bibîranînê lidarxistin. Di bîranînê de peyama Komîteya Malbatên Şehîdan hat xwendin û dia hatin kirin.