Navenda Giştî ya Komeleya Mafên Mirovan (ÎHD), di derbarê gefên Wezîrê Karên Hundir Suleyman Soylû ku li Hevseroka Giştî ya HDP'ê Pervin Bûldan xwar û rêveberên CHP'ê kirin hedefa xwe daxuyaniyek nivîskî weşand.

ÎHD'ê, bi ser navê “Daxuyaniya mecbûrî ya di derbarê Wezîrê Karên Hundir Suleyman Soylû" daxuyanî da û wiha got: "Daxuyaniyên Wezîrê Karên Hundir Suleyman Soylu hem beriya hilbijartinê û hem jî piştî hilbijartinê daxuyanî dan û gef xwarin. Ev yek bi tu awayî nayê qebûlkirin. Bi awayekî ku dizane Wezîrê Karên Hundir e û wezaretê dide pişta xwe û van daxuyanî û gefan dixwe. Hedef nîşan dide. Ev yek bi tu awayî nayê qebûlkirin.”

ÎHD’ê ragihand  ku heta niha hikûmet û partiwa wê ev helwest rexne nekiriye û li hemberî vê yekê bêdeng maye û wiha didome; “Bi vê bêdengiyê piştgiri daye van daxuyani û gefan. Ji ber vê yekê di şexsê Suleyman Soylu de em bi polîtîkaya hikûmetê ya nû re rû bi rû ne.

‘EM Ê DI HER ŞERT Û MERCAN DE MAF Û AZADIYÊ BIPARÊZIN’

ÎHD'ê di berdewama daxuyaniyê de anî ziman ku ewlehiya canê tu kesî tune û ev daxuyanî polîtîkayên hikûmetê nîşan dide. Li Tirkiye wezîrê karên hundir wekî rêxistina sûc daxuyaniyê diden. Li ser van gefan ewlehî tune.  Li Tirkiye dozger raste rast van kesan diparêze.

 Em ê her dem mafê mirovan biparêzin û jibo vê yekê tebikoşin. Em ê her dem mafê gerdûnî û pîvanên gerdûnî yên mafen mirovan biparêzin.”