Şeş girtiyên ku ji Girtîgeha Girtî ya Sîlîvrî sirgûnî Girtîgeha Girtî ya Tîpa F Hejmara 2 a Tekîrdagê hatin kirin, li hucreyên ku jê re "qefes" tê gotin, hatin bicihkirin. Şeş girtî li dijî vê kiryara li dijî mirovahiyê dest bi greva birçîbûnê kirin.
Şeş girtiyên ku ji Girtîgeha Girtî ya Sîlîvrî sirgûnî Girtîgeha Girtî ya Tîpa F Hejmara 2 a Tekîrdagê hatin kirin, li hucreyên bi têlan hatiye girtin û jê re "qefes" tê gotin, hatin bicihkirin.
Girtî bi sê koman li du hucreyan hatin bicihkirin û li dijî vê kiryara li dijî mirovahiyê dest bi greva birçîbûnê kirin.
Parêzerên girtiyan diyar kirin ku şeş girtî beriya 20 rojan hatine veguhastin û bi hinceta ku 'li hucreyan cih nîne' li hucreyên 'qefes'ê hatine bicihkirin.
Parêzeran ragihandin, ji ber ku daxwaza girtiyan a derbasbûna li hucreyên normal hatiye redkirin girtiyan dest bi greva birçîbûnê kirine. Girtî 15 roj in di greva birçîbûnê de ne û ji bo çareserkirina pirsgirêkê hevdîtin bi rêveberiya girtîgehê re hatiye kirin.
