Festîvala ku Ciwanên Azad û Jinên Ciwanên Azad organîze kirî, li bajarê Den Haag ê Hollandayê bi dirûşma “Li dijî faşîzmê serî hilde, Serokatî azad bike” hate lidarxistin.

21’emîn Festîvala Ciwan, Çand û Sporê ya Mazlûm Dogan a yek ji organîzasyonên herî mezin ên ciwanên Kurd ku li Ewropa weke çandekê lê hatiye her sal tê lidarxistin, bi tevlîbûna bi sedan ciwanan li bajarê Dan Haag ê Hollandayê hate lidarxistin.

Festîval bi meşeke bêhmepa ya bi flamayên PKK’ê û Rêberê Gelê Kurd Abdullah Ocalan destpê kir. Piştre bi sirûda Çerxa Şoreşê ji bo şehîdan deqeyekê rêz hate girtin.

‘DIVÊ EM RÊBERTÎ AZAD BIKIN’

Di festîvalê de li ser navê Ciwanên Azad Şoeş Andok axivî:

‘’Îro 14’ê Tîrmehê ye, di şexsê rêberê mezin ê berxwedana zindanê Mazlûm Dogan de em hemû şehîdên Kurdistanê û şehîdên şoreşa cîhanê bi bîr tînin û li ber wan bejna xwe ditewînin. Fermandarê mezin ê Berxwedana Xwerêberiyê Çiyager û lehenga fedaî ya Berxwedana Efrînê Avesta Xabûr vê pêvajoyê pêşengên ciwan in. Xwedîderketina li bîranîna wan bi şikandina tecrîda li ser Rêber Apo pêk tê. Bi vê çarçoweyê ciwan li dijî faşîzmê divê serî rakin û Rêbertî azad bikin.’’

Her wiha Komalên Ciwan jî peyameke dîtbar ji ciwanên Kurdistanî û enternasyonalîst re şand.

Bi çarçoweya festîvalê niha maça dawî ya turnuvaya futbolê tê lîstin. Fînalîst Veger Umut Elmanya û Kurd Potsdam ji bo bîranîna festîvalê ji bo kupaya şampiyoniyê dilîzin. Piştî lîstika gokê wê konserek çêbibe.

Di festîvalê de peyama bi dîmen a Komelên Ciwan hate nîşandan.

Di aktivîteya sporê ya festîvalê de di navbera tîmên futbolê ya fînalê ya navbera Veger Ûmût Elmaya û Kurd Potsdamê de hate lîstin. Tîma Kurd Potstam 5-2 ser ket. Festîval piştî lîstika futbolê bi hunermendên ku konserê bidin û aktivîteyên cihê dom kir.

Di festîvalê de Muharrem, Madî, Koma Reqsê ya Îrland, Tîmên şanoyê, Koma Çarnewa û Koma Zelal derketin ser dikê.

Govendên li ber stranana hatin gerandin bê navber dirûşmên “Bijî Serok Apo”, “Bê Serok Jiyan Nabe”, “Bijî Partiya Karkerên Kurdistan” û” Jin, Jiyan, Azadî” hatin qîrkirin.

Di festîvalê de li gel konser, çalakiyên cihê jî hatin nîşandan. Lîstikên mîna Stranc, boks, turnuvaya futbol û voleybolê hatin kirin. Jinên ciwan di nava xwe de turnuvayeke ya volebolê lidar xistin. Qada voleybolê di tevahiya festîvalê de eleqeyek mezin dît. Ji bo zarokan jî qadên lîstikê yên taybet hatibûn amadekirin.

Festîval bi dirûşman ve bi dawî bû.