Di daxuyaniya, ya ku Koordînasyona YPS, YPS-JIN’ê de dayî, hate ragihandin, ‘’Li dijî mêtingeriyê û sîxûr-nokeran pêngava tolhildanê’’ hatiye destpêkirin.

Daxuyaniya YPS’ê, YPS-JIN’ê wiha ye:

‘FAŞÎZMA AKP’Ê Û MHP’Ê WÊ JI XWE BER HILNEWEŞE’

Her çendî ketî, belavbûyî û ketibe rewşekî lewaz jî ti hêzekî siyasî û leşkerî, ji aliyê hêzekî din ve hebûna wî neyê bidawîkirin, ji xwe ve ji holê tine nabe. Ti hêzekî siyasî û leşkerî ya serwer, bi hêsanî dewrî ti hêzekî din nayê kirin. Bi taybet di warê formên ku xwe li faşîzmê pêçabe, ev rastî pîvanek ya di rêza yekê de ye. Ev rastiya ku em ji mînakên faşîzma dîrokê fêr bûne di roja me de li Tirkiye û Kurdistanê, bi faşîzma AKP/MHP’ê re me tevan tecrûbeya xwe kiriye. Ev mînaka faşîzma rojevî mîna nûmûneyên di dîrokê de ji ber xwe ve tine nabin. Wê bi berxwedana şoreşgerî tine bibin. Bi berxwedana heta roja îro hatî, ketiye rewşeke li ber hilweşînê û ji hev ketinê. Ji bo vê armanca wan a esasî hê zêdetir faşîzim û hê zêdetir qetlîam e.

‘BI BERXWEDANA XWERÊVEBERIYÊ HILWEŞIYAN’

Dîroka mirovahiyê ji berxwedanên civakî yên li dijî dewletên mêtinger ên faşîst û statukoyî yên parastina maf û azadiya xwe dikin tije ne. Zanîna azadiyê ya gelan a li dijî hişmendiya dewletparêz û desthilatdariyê li kolan, tax, gund, bajarok û bajaran pêş dikeve, bi şoreşên ku dîroka mirovahiyê diguherîne pêk tên. Berxwedan Xwerêveberiyê ya li Bakurê Kurdistanê pêş ketî, di dîroka têkoşîna azadiya Kurdistanê de bûye yek ji qonaxên girîng ên şoreşê. Artêşa faşîzmê ya li dijî gelê me bi armanca qetlîam û qirkirinê rabûye bi berxwedana xwerêveberiyê ya efsaneyî bi temamî ‘TARÛMAR’ kiriye. Eniya gel a bi çalakî û zanista xweparastinê ya bi armanca azadî û xweparastinê pêş xistî, mezin kiriye, eniya dijmin hilweşandiye. Berxwedanên ku li Cizîr, Sûr, Silopiya dest pê kirî û bi Nisêbîn, Şirnex, Gever û Hezexê re mezin bû, gel û gerîla di şerê gel ê şoreşgerî de kiriye yek û di berxwedana nû de gihandiye hev. Şehîd Ciyager, Zeryan, Xebatkar, Çeko, Êrîş, Rûken, Îslam, Axîn ên bi ruhê berxwedanê bûne fedayî , bi qasî şêwazê serketina têkoşîna azadiyê derxistîn pêş jî, daye nîşandan bê ka wê çawa faşîzim jî bê parçe parçe kirin.

‘EM JIYANÊ LI MALAN ASÊ NEKIN, EM JIYANÊ BIKIN BERXWEDAN’

Niha ji her demê bêhtir pêwîstiya demê bi Çiyager, Zeryna û Mehmet Tunçan ên nû, yên milîtan û pêşeng, dîsa welatparêzên xwebûnî heye. Dem ne ew dem e  ku mirov jiyanê ne li malê asê bike, divê mirov jiyanê bi berxwedanê re bike yek. Li dijî faşîzma AKP/MHP’ê ya ku li ber hilweşînê ye, li ser bingehê stratejiya şerê gel ê şoreşgerî dema xetekî têkoşînê ya serketî ye. Eenceq bi têkoşîneke mirov wiha dikare bi temamî dîktatoriya faşîst hilweşîne. Erk û berpirsyariya yekane ya şoreşgerî pêşxistina vê xeta têkoşînê ye.

‘EM PÊNGAVA TOLHILDANÊ DIDIN DESTPÊKIRIN’

Em gel ji roja tinebûnê heta îro em dizanin bi pêngavên berxwedanê gihane vê astê. Pêngavên ku Rêbertiya me li dijî sîstema qirkirinê pêşxistî, pêşketin bi xwe re aniye. Tevî di bin şert û mercên giran ên tecrîdê yên li Îmraliyê de, rewşa heyî şopandiye û li gorî mercên heyî bi wê tenê nemaye, bi şêweyên pêngavê encam girtiye. Ev taybetmendiyê Rêbertî, bûye karekterê girîng ê kevneşopiya berxwedanê. Li pişt hemû deskeftiyên rastî yên Kurdistanê,ev şêweyê pêngavê yê derxistî heye. Em YPS, YPS-JIN diyar dikin ku hêz û moralê ku kevneşopiya têkoşînê dide, yekane vebijêrk berxwedan e. Em dest bi pêngava ‘LI DIJÎ MÊTINGERÎ Û HEVKAR-SÎXÛRAN PÊNGAVA TOLHILDANÊ’ didin destpêkirin a ku wê hesab ji sîstam faşîst a qirker bipirse û dîsa ji sîxûr-hevkaran bipirse. Heta ku dîktatoriya faşîst nehilweşe, sîxûr û hevkar neyên têkbirin, ne hebûna Kurd û ne jî azadiya wê pêk tê. Rastiyek pir vekirî heye, ew jî şerê man û nemanê ya di navbera me û faşîzmê de ye. Bi faşîzmê re jiyan nabe. Faşîzim enceq bi berxwedan û şer têk diçe.

‘BÊYÎ KU BI DERENGÎ BIKEVE WÊ BI PRATÎKÊ WERE NÎŞANDAN’

Divê berxwedan, têkoşîn berbelavî her derê bê kirin, şer li her qadê bê kirin. Saziyên mêtingerî, avahî û endamên wê li her derê hene. Bi rehetiya ku faşîzmê dayî çêkirin û dîsa atmosfera ku şerê taybet dayî çêkirin, li bajar, gund, bajarok û kolanên Kurdistanê hem bi xwe, hem jî sîxûr-hevkar rehet digerin; bê perwa dixwazin malbatên me vekişînin ku xiyanetê li nirxên xwe bikin. Em ewladên welatparêz û şoreşger ên gelê xwe yên welatparêz li vê temaşe nakin. Di çaroveya pêngava me dayî destpêkirin de, di serî de avahî û kesên sîxûr û hevkar, em ê hesabê ji wan bixwazin. Di vê qadê de hemû yekîneyên me yên tolhildanê xwe li gorî pêvajoya pêngavê bi plan kiriye, bê ku bi derengî bikeve wê vê di pratîkê de nîşan bide. Bê ku mercên şewbê bibe hincet, wê li gorî derfetan, mercên xwe bi rêk bixin û bi şêweyekî afirandinî pêngavê bikeve tevgerê.

Li gorî berpirsyariyên dîrokî yên ku ji ber bûyerên qewimîn, ji bajaran, taxan, gundan destpê bike, hema bêje rêbaz û derfetên ku her kes bikare berxwedanê geş bike hene. Li dijî xayînên ku êrîşe dibine ser Kurdên azad û jiyana wan, di jiyana rojane de dikare bi nîşandana helwestê  dest pê bike.  Dijmin ne tenê leşker û polîs in. Bi hevkariya sîxûrên ku ketine nava jiyana me, dîsa hevkarên ku dixwazin bi faşîzma AKP/MHP’ê xwe li ser lingan bigirin, hemû di kategoriya dijminahiyê de ne. Yên ku xwe li pişt têkiliyên xizmatî û cîrantiyê danîne, yên ku têkiliyên germ ên Kurdan îstismar dikin ev sîxûr û hevkar gihiştiye rewşekî ku ji vîrûsê hê xetertir in. Divê tedbîr li dijî van bê girtin, divê destên xwe ji yên wiha bişon. Divê hemû têkiliyên bi hevkarên faşîzmê re bên qûtkirin, heta silav jî neyê dayîna wan.

‘WÊ ÇALAKIYÊN ME YÊN TOLHILDANÊ BIDOMIN’

Li ser vî bingehî; me ne Mehmet Tunç û Sêvê Demîr ên lehengên berxwedana Rêveberiya Xweser ji bîr kirine, ne jî qetlîamên hovan yên dewletê pêk anîne ji bîr kirine. Ji berxwedana Rêveberiya Xweser heta roja me, her kêlî bi agirê geş ê tolhilînê derbas bûye. Pêvajoya 4 salî ya ku derbas bûye, bi hestê tolhildanê yê Şehîd Çiyager ê bi şêwazê serketinê re bûye yek, bi hêzeke ku xwe ji nû ve ava kiriye, ji nû ve erkê demê girtiye ser milê xwe wê bi rastî hesab ji rejîma AKP/MHP’ê bixwaze. Wê tecrîda li ser Rêbertiya me rake, wê şert û mercên azad bijî û bixebite pêk bîne,  dîsa heta pêkanînên qirker bi dawî bibe, wê di nava her şert û mercan de wê çalakiyên me yên tolhildanê bidome.’’