Navenda Ragihandinê ya YPG'ê li ser mijarê daxuniyeke nivîskî da û got, "Qonaxa çaremîn a Pêngava Xezeba Firatê bi hemû dijwariya xwe didome. Di qonaxa çaremîn de ku hefteyek li pişt xwe hişt gelek encamên grîng hatin bidestxistin. Şervanên Yekîneyên Parastina Gel YPG û Yekîneyên Parastina Jin YPJ ku di bin  Hêzên Suriyeya Demokratîk (QSD) de cih digrin, li hember çeteyên DAIŞ’ê şerekî aktîf dimeşînin û di bidestxistina desketiyan de rola wan diyar e."
 
Di dewama daxuyaniyê de hat gotin, "Em îro çar hevalên xwe ku di demên cuda yên pêngava Xezeba Firatê de şehîd bûne eşkere dikin. Hevalên me Azad, Baran, Dilşêr û Hemûdê ku di demên cuda de tevlî nava refên YPG’ê bûn, di jiyan û şerê xwe de bi cesaret û fedakariya xwe hatine naskirin û bûne mînak ji hevalên xwe re. Erkên şoreşê girtine ser milên xwe û li ser rêya azadiyê meşiyan e.
 
Em wek YPG û YPJ’ê hemû şehîdên şoreşê bibîrtînin û bejna xwe li hember wan ditewînin. Em ê li ser rêya şehîdan bimeşin û heya bigihêjin azadiyê têkoşîna şehîdan bilindtir bikin. Ji malbatên şehîdan û gelên me yên welatparêz re em sersaxiyê dixwazin."

Li gorî daxuyaniyê, nasnameya şervanên jiyana xwe ji dest dane, wiha ye:

 

Nasnav: Azad Şedadê

Nav paşnav: Ibrahîm El Hac

Navê dayikê: Sabah

Navê bav: Ehmed

Cihê jidayikbûnê: Şedadê

Dem û cihê şehadetê: Tebqa 11 Gulan 2017

 

 

Nasnav: Baran Pirsûs

Nav paşnav: Hasan Yavuzer

Navê dayikê: Necla

Navê bav: Mustafa

Dem û cihê şehadetê: Reqa 14 Gulan 2017

 

 

Nasnav: Dilşêr Hesekê

Nav paşnav: Îmad Mihemed

Navê dayikê: Melîke

Navê bav: Abdulfetah

Cihê jidayikbûnê: Hesekê

Dem û cihê şehadetê: Reqa, Gundê Malhe 15 Gulan 2017

 

 

Nasnav: Hemûdê Til Hemîs

Nav paşnav: Mehmûd El Silêman

Navê dayikê: Wesîma

Navê bav: Ehmed

Cihê Jidayikbûnê: Til Hemîs, Gundê Til Îsa

Dem û cihê şehadetê: Şedadê 14 Gulan 2017