Herêma Kurdistanê ya Federal ew ê li herêma xwe di 30’ê Îlonê de ji bo parlementoyê hilbijartinê li dar bixe. Komîsyona Hilbijartinê ya Serbixwe ya Bilind a Kurdistanê destûr neda ku Tevgera Azadî tevlî hilbijartinan bibe. Hate ragihandin ku ji ber vî tiştî ew ê Tevgera Azadî serî li Dadgeha Federal bide.

Tevgera Azadî diyar kir ku ji ber gilîkirina rêxistinekê Komîsyona Hilbijartinê ya Serbixwe ya Bilind a Kurdistanê bêyî ku agahiyê bide wan, biryara astengkirinê daye.

Tevgera Azadî diyar kir ku ev biryar ne zagonî ye û nerazîbûnî nîşanî biryara komîsyonê da.

Tevgera Azadî diyar kir ku wekî partiyên din ên ku ew ê tevlî hilbijartinê bibin, wan jî serî lê dane.