Rêxistina HDP’ê ya Çewligê li dijî helwesta ku desthilatdariya faşîst AKP û MHP’ê HDP’ê dike hedef û ji bo piştgiriya grevên birçîbûnê yên li dijî tecrîdê daxuyaniyek da çapemeniyê. Daxuyanî li pêşiya avahiya partiyê ya bajêr hate dayîn û pankarta ‘Tecrîd sûcê mirovayetiyê ye, tecrîdê bi dawî bikin’ hate vekirin. Parlementerê HDP’ê Erdal Aydemîr û rêveberên HDP’ê tevlî daxuyaniyê bûn.

Parlementerê HDP’ê Erdal Aydemîr diyar kir ku ew ê daxwaza AKP û MHP’ê ya ji bo girtina HDP’ê qet qebûl nekin û bal kişand ser vî tiştî ku li pişt partiya wan îradeya 6 milyon kesan heye.

GREVÊN BIRÇÎBÛNÊ

Aydemîr bal kişand ser greva birçîbûnê ya ku girtiyan di 27’ê Mijdarê de li dijî tecrîda li ser Rêberê Gelê Kurd Abdullah Ocalan dabûn destpêkirin û xwest ku bila qanûnên ji bo girtiyan pêk were. Aydemîr diyar kir ku ew ê zext, zordarî û êşkenceya li girtîgeha Îmraliyê û ya li girtîgehên din qebûl nekin.