Yek ji pîrozbahiyên herî bi heybet ên salên dawî doh li Wanê di dema Newrozê de pêk hat. Piştî pîrozbahiya doh, li gelek tax û kolanên bajêr Newroz hate pîrozkirin.

Li kampusa Zanîngeha Yuzuncu Yil a Wanê, taxên Xaçort, Karşiyaka, Suphan û Bûzhaneyê meş hatin lidarxistin û tecrîd hate şermezarkirin.

Şêniyên Wanê xwedî li daxwazên Leyla Guven derketin û dirûşmên "Bijî Serok Apo", "Bijî berxwedana Leylayê" qîriyan.

Ciwanan li nava taxan wêneyên Ocalan û Hevseroka KCD'ê Leyla Guven vekirin.

Karkerên Bajêr ên Tekstîlê jî agirê Newrozê dadan û bi qîrîna dirûşma "Bijî berxwedana Leylayê" Newroz pîroz kirin.

Agirê Newrozê li kampusa Zanîngeha Yuzuncu Yil a Wanê ji aliyê xwendekaran ve hate vêxistin. Xwendekaran tecrîd şermezar kirin û dirûşma "Bijî berxwedana Leylayê" qîriyan.