Derbarê rewşa Rêberê Gelê Kurd Abdullah Ocalan ê ku li Îmraliyê di bin tecrîdeke giran de ye, li Cizîrê daxuyanî hate dayîn.

Parlementerê HDP’ê Hasan Ozguneş, rêxistina navçeyê ya HDP’ê û gelek kes tevlî daxuyaniyê bûn.

Ozguneş di daxuyaniyê de got ku, “Bi hezaran kes rêzdar Ocalan wekî îrade û rêberê xwe dibîne. Bi vê parvekirinê re xwestin provokasyon were kirin. Di nav gel de fikar çêbûne. Bi salan e li ser rêzdar Ocalan û girtiyên li Îmraliyê tecrîdeke giran heye. Parêzer nikarin biçin hevdîtinê. Gelê Kurd nizane tendirustiya rêzdar Ocalan çawa ye û di nav fikaran de ye. Ji ber vê jî divê hevdîtin pêk were û daxuyaniyên pêwist werin kirin. Divê tecrîd were rakirin û ji bo malbat karibin biçin hevdîtinê jî destûr were dayîn.”