Daxuyaniya Fermandariya Biryargeha Navenda Parastina Gel (NPG) wisa ye:

“Li dijî êrîşên dijmin ên ku ji 14’ê Nîsanê û vir ve didome, Eyaleta Zapê di serî de hemû hevrêyên me bi ruhekî fedaî yê Apoyî, vîneke xurt û bi fedakariyeke mezin berxwedanên destanî kirine. Di pêvajoya vê berxwedanê de ya ku nêzî 8 mehan didome, em şehîdên xwe yên qehreman bi rêzdarî bi bîr tînin û fermandar û şervanên Eyaleta Zapê bi hestên hevrêtiyê yên kûr silav dikin.

Di 5’ê Kanûnê de li dora çeperên şer ên Şehîd Kuncî ya Qada Berxwedanê ya Saca ya Zapê, dagirker ketine bin çavdêriyê û piştre bi taktîka sabotajê li dagirkeran hatiye xistin. Di vê çalakiya serkeftî de yek jê payebilind herî kêm 3 dagirker hatine cezakirin. Ev çalakî di şertên giran ên zivistanê de, bi fedakariyeke mezin, bi afirîneriyeke taktîkî ya bilind û bi jêhatîbûneke taktîkî hate lidarxistin. Di vê çalakiyê de bi taybetî dagirkerên payebilind hatine cezakirin. Vê çalakiya xurt bandora xwe zû nîşan daye, rejîma faşîst a AKP û MHP’ê û medyaya wê ya şerê taybet her çiqas xwestiye vê derba giran veşêrin jî, neçar mane mikur werin ku serhengekî wan miriye.

Ev çalakî di şexsê hevrê Fermandar Dogan Jîrkî de ji bo tolhildana hemû şehîdên me hatiye lidarxistin û kiriye ku ev çalakî bibe çalakiyeke watedar û hêja. Hevrêyên ku keda wan di vê çalakiya serkeftî de hene û tevlî vê çalakiyê bûne di serî de, em hemû şervan û fermandarên li Eyaleta Zapê pîroz dikin. Di şexsê Hêzên Eyaleta Zapê de em hemû hevrêyên di Pêngava Şoreşger a Bazên Zagrosê de bi hestên şoreşgerî silav dikin û serkeftinê ji wan re dixwazin.”