Navenda Ragihandinê ya YPG’ê bi daxuyaniyekî nivîskî nasnameya 6 şervanên ku di dîroka 16,18 û 20’an a Pêngava Xezeba Firatê yên li gundê Elhecad û Kas Icêlê de jiyana xwe ji dest dabûn eşkere kir.

Navenda YPG’ê di daxuyaniya xwe de diyar kir ku bi damezrandina Hêzên Sûriya Demokratîk (QSD) re Yekîneyên Parastina Gel (YPG) û Yekîneyên Parastina Jin (YPJ) rol û beşdarbûna xwe wek hêzên sereke di nav şoreşa Rojava-Bakûrê Sûriyeyê de pêk anîn û bajar, bajarok, gund û cihên stratejîk mîna Hol, Şedadê, Bendava Tişrîn, Minbic ji çeteyên DAIŞ'ê rizgarkirin.

YPG’ê di dewama daxuyaniya xwe de ev agahî dan:

“Di 5'ê Mijdara 2016'an de Hêzên Sûriya Demoqratîk operasyona rizgarkirina paytexta DAIŞ'ê bajarê Reqayê bi navê Pêngava ''Xezeba Firatê'' dan destpêkirin. Di vê pêngavê de ku heta îro berdewam e, bejahiyek berfireh ji çeteyên DAIŞ'ê hatiye rizgarkirin û herî dawî derbaskirine bajarê Tebqa. Piştî rizgarkirina van herêman jî çeteyên DAIŞ’ê êrîşên xwe domandin û di encamê de gelek şerên dijwar rû dan. Di 16,18 û 20’ê Adarê de jî çeteyên DAIŞ’ê li gundê Elhecac û Kas Icêl êrîşên berfireh lidarxistin û di encamê de gelek şerên dijwar rû dan û piştî şerên dijwar êrîşê wan hatin têkbirin. Di van şerên dijwar de 6 şervanên me yên ku ji bo şikandina êrîşên çeteyan de rolek sereke girtin ser milên xwe bi lehengî şer dikirin, gihiştin şehadetê.

Weke Yekîneyên Parastina Gel (YPG), em di kesayeta van şervan û hemû pakrawanên Şoreşa Rojavaye Kurdistanê bi rêzdarî bibîr tînin û bejna xwe li ber bîranîna wan ditewînin û soza şopdariya rêya wan didin. Di serî de ji malbata şehîdan, ji tevahî gelê Kurd re sersaxiyê dixwazin. Xebat û xwîna şehîdan ti carî vala nebûye, soza tolhildana şehîdan em careke din nû dikin û em ê tekoşîn bikin ku layîqê şer û berxwedana hevalên xwe derkevin.

Nasnameya şervanên jiyana xwe ji dest dane wiha ne:

Nasnav: Cesûr Hesekê

Nav û Paşnav: Ebdulrehman Misêweh

Navê Dayikê: Şemsa

Navê Bav: Xalid

Cihê Jidayîkbûnê: Hesekê

Cih û Dîroka Şehadetê: Elhecac /Reqa- 16’ê Adara 2017

 ***

Nasnav: Demhat Hesekê

Nav û Paşnav: Silêman Seydo

Navê Dayikê: Şêxa

Navê Bav: Mihemed Elî

Cihê Jidayîkbûnê: Hesekê

Cih û Dîroka Şehadetê: Kas Icêl /Reqa-20’ê Adara 2017

***

Nasnav: Îzêl Çiya

Nav û Paşnav: Xesan Ekîz

Navê Dayikê: Semîra

Navê Bav: Letîf

Cihê Jidayîkbûnê: Hesekê

Cih û Dîroka Şehadetê: Kas Icêl /Reqa-20’ê Adara 2017

***

Nasnav: Resûl Hesekê

Nav û Paşnav: Macid Xelîl

Navê Dayikê: Sûat

Navê Bav: Yûsif

Cihê Jidayîkbûnê: Dêrezor

Cih û Dîroka Şehadetê: Elhecac /Reqa- 16’ê Adara 2017

 ***

Nasnav: Şêngal Hesekê

Nav û Paşnav: Emir Dendûş

Navê Dayikê: Wedha

Navê Bav: Emîn

Cihê Jidayîkbûnê: Hesekê

Cih û Dîroka Şehadetê: Kas Icêl /Reqa-18’ê Adara 2017

***

Nasnav: Welat Yilmaz

Nav û Paşnav: Eyser Kalo

Navê Dayikê: Şukriye

Navê Bav: Silêman

Cihê Jidayîkbûnê: Hesekê

Cih û Dîroka Şehadetê: Kas Icêl /Reqa-18’ê Adara 2017