Nasnameya 3 şervanên Pêngava Xezeba Firatê hatin eşkerekirin
YPG’ê bi daxuyaniyekê nasnameya 3 şervanên ku di Pêngava Xezeba Firatê yên li cih û dîrokên cuda de jiyana xwe ji dest dabûn eşkere kir.
Navenda Ragihandinê ya YPG’ê bi daxuyaniyekê nasnameya 3 şervanên ku di dîrokên 15,18 û 19’ê Adarê Pêngava Xezeba Firatê de jiyana xwe ji dest dabûn, eşkere kir.
YPG’ê diyar kir ku pêngava Xezeba Firatê ya rizgarkirina Reqayê di qonaxa sêyem de bi hemû hêza xwe dewam dike. Şervanên YPG û YPJ di nav de, Hêzên Sûriya Demokratîk (QSD) ji sê aliyên bakur, rojhilat û rojava dorpêça li ser bajar roj bi roj tengtir dikin û hilma çeteyên DAIŞ’ê li wir asê dihêlin. Di encama çalakî û operasyonên ku di qonaxaq sêyem de pêk hatine, heta niha bi hezaran welatiyên sivîl ji zilm û terora çeteyan hatine rizgarkirin û niha di bin ewlehiya hêzên QSD de, li hêviya rizgarbûna bajarê xwe de ne.
Naveda YPG’ê di daxuyaniya xwe de wiha got: “Şervanên QSD’ê pêşveçunên xwe yên bi lez li rojava û rojhilatê Reqayê didomînin. Li başûrêrojavayê Reqa şervanan di çalakiyek taybet de derbasê milê din yê çemê Firatê bûne û nêzî rizgarkirina bendava Tebqa yê ne. Li rojhilatê Reqqayê jî şer û pevçunên dijwar rû didin, di encama çalakiyên rizgarkirina wan herêman de di 15, 18 û 19’ê Adarê de 3 şervanên me gihiştine şehadetê.
Weke Yekîneyên Parastina Gel (YPG) em li vir têkoşîna ku hatiye kirin ji dil û can silav dikin û soz didin ku şopdarê rêya şehîdên azadîxwaz bin, soza me wê rizgarkirina Reqayê û ji nû ve sazkirina wê be, heta roja ku zilm û teror ser vê axê nemîne. Di serî de ji malbata şehîdan, em ji tevahî gelên Rojava û bakurê Sûriyê re sersaxiyê dixwazin û şehîdên xwe bi rêzdarî bi bîr tînin.
Nasnameya şervanên ku jiyana xwe ji dest dane wiha ne:
Nasnav: Çekdar Qehreman
Nav û Paşnav: Mesûd Emawî
Navê Dayikê: Behiye
Navê Bav: Beşar
Cihê Jidayibûnê: Dirbesiyê
Cih û Dîroka Şehadetê: Kerama /Reqa- 19’ê Adara 2017
***
Nasnav: Hogir Til Temir
Nav û Paşnav: Salih Silêman
Navê Dayikê: Ayşe
Navê Bav: Îsa
Cihê Jidayibûnê: Til Temir
Cih û Dîroka Şehadetê: Kas Îcêl /Reqa-18’ê Adara 2017
***
Nasnav: Şiyar Sefeh
Nav û Paşnav: Macid Koş
Navê Dayikê: Şaha
Navê Bav: Îsa
Cihê Jidayibûnê: Serêkaniyê
Cih û Dîroka Şehadetê: Kerama /Reqqa-15’ê Adara 2017
