Partiya Maoîst Komunîst ya ku yek ji pêkhateya HBDH’ê ye bal kişand ser kampanyaya ‘Em ê faşîzmê hilweşînin, azadiyê bi dest bixînin’.

MKP’ê diyar kir ku tekane rêya sekinandina faşîzmê û hilweşandina wê seferberkirina hêza rêxistinkirî ye û got, “Li hemberî gelê ku bi têkoşîna şoreşa çekdarî re bûye yek, tu hêz nikare bisekine. Armanca me ev e ku em hêza li hemberî faşîzmê derxînin holê, têkoşîna li dijî faşîzmê geş bikin. Ji ber ku têkoşîna şoreşê bi tarzekî bixweber nadome. Armanc û hedefa wê û stratejiya wê heye. HBDH jî ne tevgereke bixweber e. Berpirsyariya wê ev e ku encamên şênber ji şertên şênber derdixe û van tiştan dixe xizmeta şoreşê. Mirov di vê çarçoveyê de lê binihêre wê bibîne ku vê seferberiya me daye destpêkirin di du warî de girîng e. Yek jê israra di şoreş û têkoşîna şoreşê de û ya din jî her dem geşedan di warê şoreşê de were xwendin û ji bo vê polîtîka were nîşandan.

Ne mumkun e ku xeyal û têkoşîna şoreşê ya gelan were tunekirin. HBDH tevî hemû pêkhateyên xwe bi xebatên xwe yên girseyî, tevî milîtan û şoreşgeriya xwe biryardariya xwe ya ji bo şoreşê didomîne. Kampanyaya me balê dikşîne ser vî tiştî ku bertekên li dijî faşîzmê belavbûyî ye û ev tişt têra sekinandina faşîzmê nake. Ji bo vê jî divê têkoşîn li her qadê bibe yek. Tekane sekinandin û hilweşandina faşîzmê heye ew jî ev e ku divê li hemberî faşîzmê di asta herî berfireh de mirov li dijî faşîzmê bibin yek. Tu hêz nikare li hemberî hêza rêxistinkirî ya gelan a bi têkoşîna şoreşa çekdarî bibe. Armanca me ev e ku em hêza xwe xurt a gelê xwe yê li dijî faşîzmê derxînin holê û têkoşîna li dijî faşîzmê geştir bikin.”

Partiya Maoîst Komunîst diyar kir ku ji roja HBDH hatiye avakirin têkoşîneke xurt kom kiriye û got, “Li gelek qadan ji bo pêşveçûna têkoşîna yekgirtî hewl da û li hin qadan gavên xurt avêt. Me qala hin destkeftî û danheviyan kir. Ev destkeftî wê rê nîşanî me bide. Li qadên ku em qels mane, em dikarin vê têkoşîna xwe geş bikin. Seferberiya şoreşgerî ya ku em qala wê dikin wê xizmetî vî tiştî bike. Mirov dikare bibêje ku têkoşîna me wê cesaret û moral bide gel ê ku li dijî faşîzmê têdikoşe.

Em dikarin bibêjin ku gelên me yên kedkar û bindest li hemberî êrîşan ne bê alternatîf in. Ev hejarî û zilmdarî ne qedera gelan e. Çareserî jî di çalakiyên şoreşger de ye. Niha dema vê hatiye ku em vê hêzê derxînin holê. Divê em ji bîr nekin ku hemû desthilatdariyên faşîst û paşverû wê bi çalakî û enerjiya şoreşger a gelan di dîrokê de tune bibe û kesên ji bo dahatûyeke azad têdikoşin wê teqez bi ser bikevin.

Banga me ev e, em destûrê nedin ku faşîzm dahatûya me reş bike, em xwedî li pêşereoja xwe derkevin. Em xwedî wê hêzê ne ku, em faşîzmê têk bibin. Em bibin yek, hêza xwe rêxistin bikin û bi têkoşîna yekgirtî têkoşîna şoreşê geş bikin.”