Malbatên Roboskî ya navçeya Qilabanê ya Şirnexê ku 34 xizmên wan di 28'ê Kanûna 2011'an de ji aliyê bajafirên şer ên artêşa tirk ve hatibûn qetilkirin di hefteya 261'emîn a qatlîamê de li goristana gund hatin cem hev. Li gel hewaya sar malbatên ku li goristanê hatin cem ev dua kirin û gorên zarokên xwe himêz kirin.

Piştre di daxuyaniya hevpar de Zîlan Encu axivî û bibîr xist ku li ser qatlîamê 5 sal derbas bûye û wiha axivî: "Ji guhên me dengê balafirên ku wê şevê erş û ezman hejand û zarokên me parçe kirin neçûye. 34 kes, 34 sivîl, 34 bedenên parçekirî, bi dehan hêstirên ku hatin kuştin, erzaqên li der û dorê belav bûye."

Encu diyar kir ku ligel ku kiryarên qatlîamê tên zanîn jî nedarizandina wan tê wateya xwedîlêderketina qatlîamê û ji wê demê heta niha ve malbat tên cezakirin.

Encu xwest ku parlamenterê HDP'ê Ferhat Encu yê girtî, Velî Encu, Taybet Encu, Yannis Vasilis Yaylali, Meral Geylanî, Ubeydullah Encu û Hîkmet Alma yên di bin çavan de ne, bên berdan.