Pêngava şoreşger a Şehîd Bedran Gundikremo û Şehîd Nalîn Mûş a gerîlayên HPG’ê didome. Gerîlayên HPG’ê li navçeya Şemzînanê ya Colemêrgê çalakî li dar xistin. Li Herekolê jî li dijî leşkeran çalakiyên sûîkastê hatin lidarxistin, 2 leşker hatin kuştin.

Navenda Ragihandin û Çapemeniyê ya HPG’ê di malpera xwe de têkildarî çalakiyên gerîlayên HPG’ê yên li Şemzînan, Çelê, Herekolê ev agahî par ve kir.
“Di çarçoveya pêngava şoreşger a Şehîd Bedran Gundikremo û Şehîd Nalîn Mûş de hêzên me li Şemzînanê ya bi ser Colemêrgê hin çalakî li dar xistine.

Di 10’ê Tîrmehê de saet di 16.00’an de hêzên me li dijî qereqola Derîk a Şemzînanê ya artêşa dagirker a Tirk çalakî li dar xistine. Di çalakiyê de hejmara leşkerên mirî û birîndar ên dijmin nehatine tespîtkirin.

Hêzên me di 10’ê Tîrmehê de saet di 10.00’an de li dijî asayîşa qereqola Çemanê ya Şemzînanê çalakiyek li dar xistine. Di çalakiyê de hejmara leşkerên mirî û birîndar ên dijmin nehatine tespîtkirin. Piştî çalakiyan artêşa Tirk a dagirker bi obus û hawanan li derdora çalakiyê dane.

OPERASYONA LI ŞEMZÎNANÊ VEKIŞIYA

Di 11’ê Tîrmehê de saet di 03.30’an de artêşa Tirk a dagirker li derdora taxên Şapatan, Bêto û Êlde ya Şemzînanê ya bi ser Colemêrgê operasyonek dane destpêkirin. Hêzên dagirker di operasyonê de tu encam wernegirtine û di danê nîvro de ji qadê vekişiyane.

LI ÇELÊ ÇALAKÎ

Di 10’ê Tîrmehê saet di 12.00’an de hêzên me li dijî leşkerên dagirker ên artêşa Tirk ên li zozanê gundê Zavîte yê Çelê ya bi ser Colemêrgê çalakiyek li dar xistine. Di çalakiyê de hejmara leşkerên mirî û birîndar ên dijmin nehatine tespîtkirin. Piştî çalakiyan artêşa Tirk a dagirker bi obus û hawanan li derdora çalakiyê dane.

Di heman rojê de saet di navbera 21.30-22.30’an de balefirên şer ên artêşa Tirk a dagirker qadên Zavîte û Sitûnê bomberdûman kiriye.

LI HEREKOLÊ ÇALAKIYA SÛÎKASTÊ: 2 LEŞKER HATIN KUŞTIN

Di 11’ê Tîrmehê de saet di 16.00’an de hêzên me li dijî leşkerên artêşa Tirk a dagirker ên li girê Zoma Kaso ya Herekolê ya bi ser Sêrtê çalakiyên sûîkastê li dar xistine. Di çalakiyê de 2 leşkerên dijmin hatine kuştin.

Di 11’ê Tîrmehê de saet di 14.30’an de li nêzî qereqola Bizinga ya li ser rêya Basan a Şirnexê û Sêrtê hêzên me li dijî wesayîta bi zirx a Kobra çalakiya sûîkastê li dar xistiye. Di çalakiyê de wesayîta bi zirx derbe xwariye, hejmara leşkerên mirî û birîndar ên dijmin nehatine tespîtkirin. Piştî çalakiyê artêşa Tirk a dagirker bi obus û hawanan li derdora çalakiyê dane.

LI GIRÊ RONAHÎ YA ŞEMZÎNANÊ JI DU MILAN VE ÇALAKÎ

Di daxuyaniya me ya di 15’ê Nîsanê de me diyar kiribû ku, di 13’ê Nîsanê de saet di 19.40’an de hêzên me li dijî artêşa Tirk a dagirker ya li Girê Ronahî ya Şemzînanê ya bi ser Colemêrgê çalakiyek li dar xistine û di vî şerî de gerîllayekî me bi qehremanî şer kiribû û gihiştibû şehadetê. Nasnameya gerîlayê me yê ku şehîd bûye wisa ye:

Nasnav: Reşît Dostûm
Nav û Paşnav: Reşît Xidir
Navê Dê û Nav: Rabîa-Nezîr
Cihê Jidayîkbûnê: Derîk
Dîrok û Cihê Şehadetê: 13’ê Nîsanê 2017/Colemêrg