Di çarçoveya lêpirsîneke Serdozgeriya Komarê ya Mêrdînê de li navçeya Nisêbînê polîsan avêtin ser gelek malên li taxa Firatê.

Di serdegirtinan de ku bi tîmên taybet hate kirin, herî kêm 4 zarokên ji 13 heta 17 salî jî di nav de gelek kes hatin destgîrkirin.

Hate ragihandin ku di dema serdegirtinê de polîsan li nava malan geriyane û telefon desteser kirine.

Di serdegirtina 12 malan de ya li navçeyê heta niha zarokên bi navê M.A. (16), F.A. (17), A.A. (15), H.E. (13) û ciwanê bi navê Hakan E. (19) hatin destgîrkirin.

Li gorî agahiyan F.A. yê 17 salî ku hate destgîrkirin, beriya 10 rojan qezaya trafîkê derbas kiribû û piştî emeliyatê tedawiya wî li malê dewam dikir.

Hate ragihandin ku kesên hatin destgîrkirin birin Şaxê TEM'ê yê Midûriyeta Emniyetê ya Bajarê Emniyetê ya Mêrdînê.