Îro li bajarê Kerkûkê ji derveyî rêveberên Tevgera Nifşê Nû rêveberên partiyên Kurd ên li Kerkûkê li ofîsa Partiya Komunîst a bajarê Kerkûkê civiyan. Piştî civînê daxuyaniyek ji çapemeniyê re hate dayîn. Partiyên Kurdan ên beşdarî civînê bûyîn diyar kirin ku ew ê bi lîsteya 'Kerkûk Kurdistanî' ye tevlî hilbijartinên parêzgeha Kerkûkê bibin.

Xalên ku partiyên Kurd li  ser li hev kirine wiha ne;

-Hemû hizbên tevlî civînê bûyîn, biryar dane ku di hilbijartên dema pêş yên Meclîsa Kerkûkê de bi lîsteya hevpar tevlî bibin. Ev lîste jî bi navê ‘Kerkûk Kurdistanî’ ye.

 -Em bang li Meclîsa Kerkûkê dikin daku di demek zû de civîna xwe ya asayî pêkbîne û namzetê lîsteya Birayetî wek waliyê Kerkûkê diyar bike.

-Em ê ji bo asayî kirina rewşa Kerkûkê civînên xwe dewam bikin.

-Em bang li xelkê Kerkûk bi taybet Kurdistaniyan dikin, serdana navenda qeyd kirinê bikin û qerta dengdanê derbixin.

-Em bang li rêveberên hizbên Kurdistanê dikin daku civînek lidarbixin û piştigirya vê biryara girîng bikin.

-Carek din hemwarkirina yasaya hilbijartina Meclîsa bajêr hatiye behs kirin.

-Di hemû xalan de hizbên Kurdistanê bal kişandin li  ser jiyana hevbeş ya hemû pêkhateyên li bajarê Kerkûkê.