Piştî ku şaredariyên HDP'ê hatin dagirkirin dorpêça polîsên Tirk a li ser avahiya HDP'ê ya Amedê didome. Bi pêşengiya Hevserokên KCD'ê û parlamentera HDP'ê ya Colemêrgê Leyla Guven çalakiya rûniştinê hate destpêkirin.

Polîsan êrîş bire ser çalakiya rûniştinê ya bi daxwaza rabûna dorpêça li ser HDP'ê.  Polîsan bi jop û mertalên xwe, Guven jî di nav de li wekîlan xisti.

Polîsan wekîl bi tehfa kirin avahiyê û derî li ser wan girtin û nehiştin ku derkevin. Gel jî ji bo ku destekê bide wekîlan ber bi avahiya bajêr ve dest bi meşê kir.

Ji wekîlên birîndar bûyî Semra Guzel û Gulîstan Kiliç Koçyîgît ji avahiyê derketin û bi ambûlansê çûne nexweşxanê.

Polîsan her wiha êrîş birin ser parêzerên ku hatin ber avahiya partiyê. Polîsan nehiştin ku li ber avahiyê kom bibin û êrîş bire ser gel.

Gel bi dirûşmeyan got, ''Amed a gel e, wê ya gel be'', ''Destê xwe li ser vîna min rake'', her wiha polîsan nehiştin ku nûçegihan wêneyan jî bigirin. Êrişa li ser gel û dorpêça li ser avahiya HDP'ê didome.