Di çarçoveya lêpirsîneke ji aliyê Serdozgeriya Komarê ya Amedê hate destpêkirin, polîsên Tirk girtin ser gelek malan.

Mala Halîse Aksoy a ku cenazeyê kurê wê yê gerîlayê HPG’ê bi kargoyê jê re hatibû şandin jî tê de polîsan girtin ser gelek malan.

Li Amedê 6 kes hatin destgîrkirin. Endamê Meclîsa Partiya HDP’ê Halîde Turkoglû û Îlknûr Saymak, Helen Olçen, Nûrten Bîngol, Rojhat Karakoç û Mehmet Farûk hatin destgîrkirin.

Di heman lêpirsînê de rêveberê HDP’a Amedê Mûrat Onder li Edîrneyê û kesekî bi navê Erol Çîftçî jî li Enqereyê hatin destgîrkirin.

Hate diyarkirin wê van her du kesan bînin Amedê.

Li ser lêpirsînê biryara nepeniyê hate dayîn û hinceta destgîrkirinan jî nehate eşkerekirin.