Konê Berxwedanê 24 roj in li ber Asayîşa Êzidxanê vedayî ye
Asayîşa Êzidxanê ji bo xelkê Şengalê weke man û nemanê tê dîtin. Lewma Şengaliyan 24 roj in li pêşiya asayîşa xwe kon vedane û ji hikumeta Iraqê dixwazin ku asayîşa wan nas bike.
Konê Berxwedanê yê xelkê Şengalê ku ji bo xwedîderketina li Asayîşa Êzidxanê hatiye vedan, 24 roj in dewam dike.
Çalakî bi dirûşma "Em hemû asayîş in" pêk tê û rojane ji çar aliyên Şengalê mirov serdana qada berxwedanê dikin.
Îro jî gelek kes ji Xanesorê tevlî çalakiyê bûne. Ji beşdaran Hecî Kulî diyar kir ku Asayîş ji bo wan hebûn e, heta ku bê qebûlkirin wê li ber xwe bidin.
Hecî Kulî got, "Hîn jî pîlanên qirêj li ser Êzidiyan tê meşandin. Ji bo wê divê Êzidî fermana 73'an ji bîr nekin û hişyar bin."
