Bi armanca şermezarkirina komploya navneteweyî ya 15'ê Sibatê, şêniyên Hewlêrê li Parka Samî Ebdurehman li hev civiyan û ber bi avahiya Neteweyên Yekbûyî ve meşiyan.

Çalakgerên ku bi qîrîna dirûşman komployê şermezar dikin, wê li ber avahiya Neteweyên Yekbûyî daxuyaniyê bidin çapemeniyê û daxwaza azadiya Ocalan bikin.

Di vê navberê de, çalakgerên Meşa Dirêj a ji Silêmanî ber bi Hewlêrê ve, ji ber astengiya asayîşa PDK'ê li bajarokê Pirdê çalakiya rûniştinê lidar dixin û li benda destûrê ne ku karibin derbasî nava bajêr bibin.