Adnan Karakaş (63) di sala 1993'an de li navçeya Nisêbînê ya Mêrdînê hatibû girtin û Dadgeha Ewlekariya Dewletê ya li Amedê (DMG) cezayê girtîgehê yê heta bi hetayê lê birî bû. Karakaş piştî 30 salên dîlgirtinê doh ji Girtîgeha Tîpa F a Bolûyê tevî Mûsa Şanak û Mehmet Înal hate berdan.

Karakaş bi konvoyek ji endamên Federasyona Komeleyên Piştevaniya Hiqûqî ya bi Girtî û Hikumxwaran re ya Med (MED TUHADFED), Meclîsa Dayikên Aştiyê, rêveberên HDP, DBP û Partiya Çepên Kesk û xizmên xwe kete nava navçeya Nisêbînê.

Karakaş çû mala xizmên xwe ya li taxa Selahattîn Eyyûbî û li vir ji aliyê girseya gel ve bi çepik û tilîliyan hate pêşwazîrkirin.

Adnan Karakaş ê 30 salan dîlgirtî ma, bi kansera çerm û nexweşiya romatîzmayê ketibû.