Penaberê siyasî yê ji Bakurê Kurdistanê Huseyîn Arasan 9’ê Hezîranê li ber avahiya Komeleya Karkerên Mezopotamya ya Silêmaniyê di encama êrîşa çekdarî de bi giranî birîndar bû û ew rakiribûn nexweşxaneyê. Piştî rojekê Arasan li nexweşxaneyê şehîd ket.

Komîteya Têkiliyên Derve ya KCK'ê piştî qetilkirinê daxuyaniyek da û diyar kir ku Arasan bi hevkariya MÎT û rêxistina îstîxbarata PDK'ê Parastin hatiye qetilkirin.

Cenazeyê Arasan di 11’ê Hezîranê de li Goristana Şehîd Mehmet Karasûngûr a Qendîlê hate veşartin.

Li bajarê Silêmaniyê li ber Komeleya Karkerên Mezopotamyayê konê sersaxiyê hat vedan. Serdanên sersaxiyê li gorî saeta herêmî saet 10:00’an dest pê kirin û tê payîn ku heta saet 17:00’an bidome.