Li gorî amarekê ku şaxa saziya Rêxistina Tîmên Avakirina Aştiya Civakê ya Emerîkayê (CPT) ya li Iraqê ji ANF’yê re şandiye, ji ber êrişên dewleta Tirk a dagirker heta niha li Başûrê Kurdistanê 366 sivîlan jiyana xwe ji dest dane.

Ji meha Tebaxa 2015’an heta niha ji ber bomberanên rasterast ên dewleta Tirk a dagirker 147 sivîl li başûrê Kurdistanê şehîd bûne û 219 kes jî birîndar bûne.

Di heman demê de dewleta Tirk a dagirker gelek gund û gundik rasterast bombebaran kirine û ji ber êrişên wê wan gund û gundikan zerar dîtine. Li gorî heman çavkaniyê ji ber êrişên dewleta Tirk tenê ji meha tebaxa 2015’an heta niha 157 gund hatine valakirin.

Ji ber zêdebûna bombebaranên dewleta Tirk a dagirker û ji ber hedefgirtinên wê yên rasterast ên li gundan, xetereya valabûnê li ser 600 gundên li ser sînor heye.