HPG'ê got, ''Di daxuyaniya xwe de ya 17'ê Îlonê me bi raya giştî re par ve kiribû ku 11'ê Îlonê dema operasyona artêşa TC'ê ya dagirker ya li qada Başûrê Mûşê ya li Eyaleta Amedê 2 hevalên me şehîd bûne.''

Têkilî agahiyên nasnameyê yên du gerîlayan wiha hate gotin:

Nasnav: Faraşîn Zîlan
Nav Paşnav: Berîvan Bati
Cihê Bûyinê: Amed
Navê Dê û Bav: Fahriye – Abdullah
Dem û Cihê Şehîdbûnê: 11 Îlon2019 / Başûrê Mûşê

Nasnav: Serhıldan Mêrdîn
Nav Paşnav: Firat Ay
Cihê Bûyinê: Mardîn
Navê Dê û Bav: Muhbet – Cebraîl
Dem û Cihê Şehîdbûnê: 11 Îlon2019 / Başûrê Mûşê

HPG'ê her wiha têkilî du gerilayan ev agahî dan: ''Hevrê Faraşîn 1990'î li Farqînê ya Amedê ku mîrateya çanda Kurd û gewherê welatparêziya PKK'ê kirî yek hatiye dinê. Hevrê Faraşîn ku li nav malbateke welatparêz û fedekar mezin bûyî, hê zaroktî hay ji dagirkeriya dewleta TC'ê ya faşîst a li Kurdistanê çêdibe, li dijî polîtîkayên bênasnamekirinê ya pergalê xwe parastine û têkoşîna jiyanê daye. Bi hişmendiyeke welatparêz bûye, beriya ku tevlî nav refan bibe jî şerê parastina rûmetê kiriye, çi peywira ku hatî ber bi serkeftî bi cih aniye. Hevrê Faraşîn ku tim lê difikirî tişta ku dike têrê nake û bi pergalê re nakokiyên mezin dijî, bi biryarara ku li ser şopa hevrê Bêrîvan bimeşe û navê wê li xwe kirî, 2013'an tevlî nav refên gerîla dibe û dibe fedaiya Rêber Apo. Bi  aliyê xwe yê civakî pir zû adapteyî nav eniyên partiyê dibe û her demê, bi bawerî û biryardariya bi têkoşîna şoreşê bûye vegotina milîtaniyê ya li nav jiyanê. Her demê kelecanî bûye, bi moral bûye û bi hêlên xwe yên kedkar derketiye pêş. Hevrê Faraşîn hişmendiya jinê bi gewhera xwe re kirî yek, bûye derbirîna berbiçav a hêza felsefeya jinê ya afirîner. Hevrê Faraşîn ku bi zaroktî hêrsa xwe li dijmin bi xwe re mezin kirî, bi moral û îdîayeke mezin 2016'an ber bi Amedê ve meşiyaye ku li wir jidayik bûbû. Li qada Amedê bi tevlêbûna xwe ya kedkar û wêrek kevirên şoreşê bi pratîka xwe daniye.

Hevrêya me Serhildan 1996'an li Mêrdînê li nav malbateke welatparêz hatiye dinê. Hê bi ciwanî mêtingeriya faşîst a TC'ê û zilma li ser gelê Kurd dibîne, vê qebûl nake û dema êrîş giran in, 2017'an tevlî nav refên gerîla dibe. Hevrê Serhildan ku dema li nav refên gerîla her demê bi fedekarî û kedkariya xwe derketî pêş û li li kûderê peywirek hebûye, bi wri ve dibezî, her wiha bi dilsoziya bi şehîdan û Rêber Apo li hemû deverên ku lê bû kiriye ku hevrêyên wê pê bawer bin. Hevrê Serhildan ku li Eyaleta Amedê mohra xwe li ser serkeftinên girîng danî, li dijî dijmin her roj xwe bi pêş ve biriye û rihê berxwedanê yê serdemê zevt kiriye. Herî dawî hevrêya me ya li qada Başûrê Mûşê têkoşîna aktîf dida, heta hilma xwe ya dawî hewcehiyên milîtaniya Apogeriyê bi rengekî serkeftî bi cih aniye.''

Di daxuyaniyê de bi berdewamî sersaxî hate xwestin û hate gotin, ''Di serî de serê malbatên me evrêyen me Faraşîn û Serhildan, serê hemû gelê Kurdistanê yê welatparêz sax be, em soz didin ku bi îdîa û biryardariya şehîdên me alaya serfiraziyê li ezmanan li ba bikin.''

LI ÇELÊ ÇALAKIYA GERÎLA

Di daxuyaniyê de têkilî çalakiya li Çelê û êrîşa dewleta Tirk a li ser Qadên Parastinê yên Medyayê jî wiha hate gotin:

''Bi çarçoweya Pêngava  Şoreşger a Şehîd Ronya û Şehîd Bager, 3'yê Cotmehê saet 17.00'an hêzên me li dijî yekîneyên artêşa TC'ê ya dagirker a li Gİrê Xergolê ya li Çelê ya Colemergê çalakî kirine. Di vê çalakiyê de derbên giran li kozik û strayên dijmi hatine xistin, çend leşker hatine kuştin û çend birîndar bûne, nehate tespîtkirin.''

ÊRÎŞA HEWAYÎ

''Balafirên şer ên artêşa  TC'ê ya dagirker êrîşa hewayî birine ser Qadên Parastinê yên Medyayê. Bi vê çarçoweyê balafirên şer;

30'ê Îlonê saet 20.00'an derdora gundê Dûvînê ya herêma Gareyê bombe kirin.

3'yê Cotmehê saet 13.00'an li qadên Kurojahro, Kunîşka û Karker ên Zapê, sae 13.30'an qadên Dola Konferansê û Werxelê yê herêma Avaşînê, qada Çemrobotkî ya herêma Garê bombe kirine.

4'ê Cotmehê (Îro) saet 09.30'an qada Mervanis a herêma Avaşîn hatiye bombekirin.

Di bombebaranan de ti windahiyên me çênebûne.''