Hêzên Asayîşa Silêmaniyeyê danê vê sibehê dor li avahiya navenda Tevgera Azadî girtin û bi rêveberiya Tevgera Azadî re hevdîtin kirin. Hate ragihandin, asayîşê di hevdîtinê de ji rêveberiya Tevgera Azadî re gotiye, "Tevgera Azadî 4 sal in ne fermî ye, lewma em ê bigirin."

Rêveberiya Tevgera Azadî li ser vê yekê li hev civiya û rewşê dinirxîne. Hêzên asayîşê li ber navendê ne.

Tevgera Azadî sala 2017'an li gorî qanûna partiyên siyasî ya Destûra Bingehîn a Iraqê hate pejirandin û kongreya xwe pêk anî.

Tevgera Azadî sala 2014'an serlêdana fermî li Herêma Kurdistanê kir, lê heta niha bersiv ji serlêdana wê re nehatiye dayin.