Li ber Bîrdariya Şehîdên Helebceyê, meşek li dijî bikaranîna çekên kîmyewî li dijî gerîla ji aliyê dewleta Tirk ve, hat lidarxistin. Çalakî ji aliyê Înîsiyatîfa Gelê Herêma Kurdistan a li dijî Dagirkeriyê ve hat organîzekirin. Di çalakiyê de wêneyên şehîdên bi çekên kimyewî şehîd bûne, hatin hildan û dirûşma “Şehîd namirin“ hatin berzkirin.

Di çalakiyê de Endamê Însiyatîfa Gelê Herêma Kurdistan a li dijî Dagirkeriyê Dr. Hekîm Ebdûlkerîm, daxuyaniyek da û bal kişand ser bikaranîna çekên kîmyewî û got: “Nêzê heft meh in dewleta Tirk, bi biryara Erdogan hemû yasayên şer û pîvanên exlaqî binpê dike. Bi dehan çekên kîmyewî û bombeyên nukleer ên taktîk û fosfor bi kar tîne. Li gor yasayan ev çek hemû qedexekirî ne. Hemû belgeyên bikaranîna van çekan hene.”