Gerîla TV beşek ji dîmenên Operasyona Şoreşgerî ya Şehîd Doga Viyan a li Zapê weşand. Di dîmen de tê dîtin ku gerîla bi dirûşma Bijî Serok Apo' dikevin hundirê hemû çeperan û gir bi temamî kontrol dikin.
Gerîla TV beşek ji Operasyona Şoreşgerî ya Şehîd Doga Viyan weşand ku di 17'ê Sibatê saet 12:50'î li Qada Berxwedanê ya Girê Cûdî ya li Herêma Rojavayê Zapê ya Şehîd Delîl hate lidarxistin.
Di dîmenan de tê dîtin ku gerîla xwe ji ser têlan çeng dikin û kamerayên mobesse îmha dikin.
Gerîla bi dirûşma 'Bijî Serok Apo' çeperan yek bi yek bi dest dixin. Gerîla dest datînin ser çek û alavên leşkerî yên leşkerên Tirk û li dijî wan bi kar tînin.
Gerîla ku temamiya baregeha artêşa Tirk bi dest dixin, wiha dibêjin, "Fermana Mûrat Karayilan e: Leşker ya tu yê biçe ya jî tu yê bimire."
Gerîla baregeha leşkerên Tirk didin ber agir.
Di daxuyaniya Navenda Ragihandin û Çapemeniyê ya HPG'ê de li ser çalakiyê hatibû gotin, "Yek jê serpel 37 leşkerên dewleta Tirk a dagirker hatin cezakirin, gelek çek û cebilxane hatin desteserkirin û yên mayî jî hatin îmhakirin."
