Eniya Nîştîmanî ya li dijî dagirkeriya Tirk hatiye damezrandin, îro saet 11'an li Parka Nalî ya bajarê Silêmaniyê daxuyaniyek da çapemeniyê. Eniya Nîştimanî ragihand ku wê sibê li 9 bajar, navçe û bajarokên Başûrê Kuridstanê li dijî dagirkeriya dewleta Tirk çalakiyan lidar bixe.

Daxuyanî ji aliyê endamê Eniya Nîştimanî ya li dijî dagirkieyê Bekir Şêx Selam ve hate xwendin û wiha hate gotin; "Sibê wê li bajarê Hewlêr, Silêmanî, Kerkûk, Kelar, Qeladiz, Derbendîxan, Çemçemal, Ranya û Helebceyê wê li dijî dagirkeriya dewleta Tirk a li ser Başûrê Kurdistanê çalakî bên lidarxistin."

Şêx Selam bêdengiya hikumeta Iraq û herêma Kurdistanê rexne kir û got, "Ji ber hikumeta Iraq û ya herêmê li hember dagirkeriyê bêdeng in me ev eniya li dijî dagirkeriyê ava kir."

BANGA JI BO TEVLÎBÛNÊ

Şêx Selam herî dawî ji bo tevlîbûna li çalakiyan bang li gelê Başûr kir û got, "Em bang li tevahiya gelê Başûrê Kurdistanê dikin ku sibe (Şemî) herkes deriyê dikan û kargehên xwe bigirin û tevlî çalakiyan bibin, ji ber niha dagirkeriyeke berfireh li ser Başûrê Kurdistanê heye.”

BERNAMEYA ÇALAKIYAN

Hewlêr: Seat 18:00’an li Parka Şanedar

Silêmanî:Seat 17:00’an ji Seholeke  heya parka Baxê Giştî saet 

Kerkûk: Seat 17:00’an Parrka Qela

Çemçemal: Seat 18:00’an li ber Zankoya Çermo

Kelar: Seat 17:00’an Dibistana Leyla Qasim

Ranya: Seat 17:00’an Baxê Giştî

Helebce, Derbendîxan û Qeladiz jî dema wan hê ne hatiye diyar kirin.