Li navçeya Kerboranê ya Mêrdînê 29'ê Cotmeha 1995'an û 8'ê Adara 1996'an 3 jê zarok 8 kes û Çawişê Pispor Bîlal Batir ê ku tê îdîakirin agahî dabû malbatan, hatine windakirin. Rûniştina 19'an a têkildarî dozê pêk hat.

Fermandarê qereqolê yê wê demê jî di nav de li hemberî 18 kesan bi sûcdariya "kuştina mirovan bi zanebûn" doz hate vekirin û rûniştina dozê li 1'emîn Dadgeha Ceza ya Giran a Semsûrê pêk hat.

Parêzerên mexdûran tevlî rûniştinê bûn. Parêzeran daxwaza xwe ya rûniştinek beriya niha dubare kir û xwestin bersûc bên girtin. Heyeta dadgehê daxwaza girtina bersûcan red kir.

Rûniştina dozê ji bo 2'ê Mijdarê hate taloqkirin.