Keleha Wanê ya ku hatibû îlankirin ku divê were parastin, di çend salên dawîn de ji bûye qada rantê.

Keleha Wanê li kêleka Gola Wanê 5 kîlometreyan dûrî bajêr û li ser tehtekî asê hatiye avakirin. Keleh 1800 metre dirêj e, 120 metre fireh e û 80 metre bilind e. Di salên dawîn de dora wê bi têlan hate girtin. Bi tenê deriyekî wê yê têketinê heye û têketina wê jî bi pereyan e.

Zarokên ku li ber kelehê rêbertî ji tûrîstan re dikirin jî ji kelehê hatin dûrxistin. Gelê Wanê xwe ji ser deriyê têketinê diavêjin û wisa dikevin kelehê.

Serokê Van Çev-Der’ê Alî Kalçik got ku, “Li Kurdistanê ji bo tunekirina van avahiyên dîrokî gotinên ‘di binê wan de zêr hene’ û ev avahî xera kirin. Kîtabeyên li dora Keleha Wanê di 12’ê Îlonê de hatibû tunekirin. Keleha Wanê êdî ne keleh e, bûye teht û kevir.Di du sê salên dawîn de jî ev der kirine qadeke bazirganiyê. Keleha Wanê ji gel re hatiye girtin. Dora wê bi têlan hatiye girtin, ev ne çareserî ye.”