Şandeya HDP'ê serdana şaredariya Qersê kir ku van demên dawî êrîşeke sîstematîk li ser tê kirin û tê armanckirin ku qeyûmê bînin ser. Şandeyê serdana Hevşaredaran Ayhan Bîlgen û Şevîn Alaca kir. Li ser navê şandeyê Alîkara Hevserokê HDP'ê, Berpirsa Komîsyona Gelan û Baweriyan Tulay Hatîmogullari axivî.

Hatîmogullari got Şaredariya Qersê bi meclîseke wiha ya şaredariyê dixebibe ku dikare ji Tirkiyê re bibe modêl û diyar kir ev meclîs bi temamî ji bo gelê Qersê, ji bo ku bajêr ji nû ve ava bike dixebite û ji ber vê jî AKP û MHP çavnebariyê lê dikin.

Hatîmogullari her wiha got Kampanyaya Xwîşk û Biratiyê dikine hedef, di van rojan de ku hewceyî bi piştevanî û hevkarbûnê heye dixwazin rêveberiyên xwecih bêkêr bikin, çavê wan lê bar anbe ku rêveberiyên xwecih piştevanê gel be û li dijî pandemiyê têbikoşe.

Hatîmogullari her wiha got Şaredariya Qersê ji bo ku rê ji berjewendiya çeteyan re venake bûye hedef, ji bo ku bi rengekî paqij dixebite êrîşe tîni ser û bang li gelên Qersê kir ku li dijî êrîşa li Şaredariya xwe û hevserokên xwe xwedî derkevin.