Gerîla Tv, dîmenên çalakiya gerîlayên HPG’ê ya 1’ê Kanûnê ya li dijî Qereqola Çemanê ya li navçeya Şemzînan a Colemêrgê lidar xistî weşand.

HPG’ê têkildarî çalakiyê ev agahî parve kir:

“Di 1’ê Kanûnê de saet di 13.10’an de hêzên me li dijî qereqola Çemanê ya Şemzînan a Colemêrgê çalakiyek lidar xistine. Di vê çalakiyê de hêzên me li wesayîtên zirxî yên di hewşa qereqolê de, li kozik û stargehan dane û di vê çalakiyê de wesayîta zirxî ya kobra hatiye îmhakirin. Di vê çalakiyê de agir bi wesayîta zirxî, avahiya qereqolê û cebilxaneyê ketiye û cebilxane îmha bûye. Piştî çalakiyê hêzên dagirker bi obus û hawanan li qadê dane û xwestine agir vemirînin. Di vê çalakiyê de hejmara leşkerên mirî û birîndar nehatine zelalkirin."