Cenazeyên her sê bira hatin dîtin
Cenazeyên Remezan, Mecîd û Tahir Mihemed ên li ser sînorê Başûrê Kurdistanê ji ber bomberdûmana balafirên şer ên Tirk jiyana xwe ji dest dan hatin dîtin û ew birin Şeladizê.
Cenazeyên Remezan, Mecîd û Tahir Mihemed ên li ser sînorê Başûrê Kurdistanê ji ber bomberdûmana balafirên şer ên Tirk jiyana xwe ji dest dan hatin dîtin û ew birin Şeladizê.
Piştî bomberdûmana balafirên şer ên Tirk, agahî ji her sê birayên ji gundê Nerwe yê Başûrê Kurdistanê nedihat girtin. Hay ji her sê birayên ji Şeladizê Remezan, Mecîd û Tahir Mihemed tine bû.
Şêniyên gundê Nerwe, piştî êrîşa ku li ser sînorê Geverê hate kirin, dest bi lêgerînê kirin. Gundiyan cenazeyê her sê bira dîtin. Ji ber bomberdûmana giran a artêşa Tirk cenaze nikarîbûn ji herêmê bêne rakirin.
Şêniyên herêmê îro dîsa çûn herêmê û cenaze rakirin. Gundiyên ku bi konvoyekê hatin Geliyê Balinda, cenaze rakirin û birin Şeladizê.
Şêniyên herêmê êrîşên dewleta Tirk şermezar kirin.