Bi sedan welatiyên bajarê Minbicê cenazeyê şervanê Meclîsa Leşkerî ya Minbicê Fewaz Hemîd (Ebû Ibrahîm)ê ku li gundewarên rojavayê Minbicê jiyana xwe ji dest dabû, ji nexweşxaneya Şehîdên Minbicê wergirtin û ber bi Goristana Şehîdên Minbicê ve ketin rê.

Li goristanê ji aliyê Şervanên Meclîsa Leşkerî ya Minbicê ve merasîmek hat lidarxistin. Piştî merasîmê Endama Saziya Malbatên Şehîdan Mûnîre Mihemed axivî û diyar kir ku şehîd ji bo jiyanekî azad canê xwe feda dikin.

Berdevkê Fermî yê Meclîsa Leşkerî ya Minbicê Şervan Derwîş û Hevserokê Meclîsa Rêveber a Minbicê Îbrahîm Qeftan jî axaftin kirin.

Piştî axaftinan nasnameya Şehîd Fewaz hat xwendin û radestî malbata wî hat kirin.

Herî dawî Cenazeyê Şervanê Meclîsa Leşkerî ya Minbicê Fewaz Hemîd bi dirûşmeyan li goristanê hate veşartin.