Îro bi sedan welatiyên Herêma Serêkaniyê û Til Temir, cenazeyê  şervanê Yekîneyên Parastina Gel (YPG) Ûsama Îsa (Serhed Menacîr) yê ku di 10 Tebaxa 2017`an de, di Hemleya Rizgarkirina Reqayê şehîd bibû, bi merasîmekê  girseyî li goristana şehîdan a Herêma Til Temir veşartin.

Li goristanê merasîma leşkerî ji aliyê şervanên YPJ û YPG`ê ve hate lidarxistin. Piştî merasîma leşkerî, Hevseroka Meclîsa Malbatên Şehîdan a Serêkaniyê Şêrîn Şêxî axivî û  sersaxî ji malbata tekoşer Serhed re xwest.

Li ser navê Yekîneyên Parastina Gel (YPG) Kawa Til Temir jî  axivî û soza şopandina rêya şehîdan dûbare, kir.

Di dawiya merasîmê de, bi dûrişmeyên”Şehîd Namirin” cenazeyê têkoşer Serhed hate veşartin.