Cenazeyê Huseyîn Arasan ji Morga Saziya Tiba Edlî bi tevlîbûna sedan kesî û dirûşman hate girtin û ji bo merasîmê birin Mizgefta Ehmedî Hacî Elî.

Piştî karwanê şehîd gihişt mizgeftê li vir merasîmek hate lidarxistin.

Bi navê komeleyê Mûsa Xalid daxuyanî da û bal kişand ser terora dewleta Tirk. Mûsa Xalid got, ew penaberên siyasî ne û rexne li çapemeniya nêzî PDK’ê jî kir ku wan dike hedef û got: "Em penberên siyasî ne, siyasetê dikin. Divê demildest kujer bên dîtin û hesab jê bê xwestin."

Piştre jî ser navê KNK’ê Dr. Şêrko Heme Emîn axivî êrîş şermezar kir û bang li Neteweyên Yekbûyî û desthilatê kir, ku kujeran diyar bikin û pêşiya êrîşên wiha bigirin.

Bê navber dirûşmên ‘Şehîd Namirin’ û ‘Tolhildan’ hate qîrkirin.

Piştî merasîmê cenazeyê şehîd bi karwanekê ji dehan wesayîtî bi dirûşma ‘Şehîd Namirin’ pêk dihat ber bi Qendîlê hate birêkirin.