Gelê Hesekê ji ber Navenda Meclîsa Malbatên Şehîdan rahişte darbestên Zagros Hesekê (Mihemend Selîc), Dilyar Hesekê (Mihemed Abdulrezaq), Qutelî Hesekê (Eyad Esed), Firat Hesekê (Samir El Xilêf) û Doxan Firat (Mihemed Nedîm) û birin Şehîdgeha Şehîd Dijwar a li gundê Dawidiyê.

Li Şehîdgeha Şehîd Dijwar merasîmek hate lidarxistin û yek ji fermandarên YPG’ê Şiyar Delîl li vir axivî. Delîl behsa Pêngava Xezeba Firatê, têkoşîn û serfiraziya şervanên QSD’ê kir. Delîl diyar kir, ew ê heta dawiyê di rêça şehîdan de bin.

Li ser navê Meclîsa Malbatên Şehîdan jî Ehmed Esed axivî û got, bi keda şervanan gelên Kurd, Ereb, Sûryanî di nav xwe de yekîtiyek çêkirine.

Piştî axaftinan Endamê Meclîsa Malbatên Şehîdan Îlham Beker belgeyên şehîdbûnê yên 5 şervanan xwend û radestî malbatan kir.

5 şervan bi lîlandinên dayikan, bi dirûşmên "Şehîd Namirin" li axê hatin veşartin.