Rêxistina Rihayê ya Partiya Wekhevî û Demokrasiyê ya Gelan (DEM Partî, li buroya hilbijartinê binçavkirina 15 kesan şermezar kir. Di nava binçavkiriyan de hevseroka navçeyê û namzetên endamtiya meclîsa şaredariyê jî hebûn.

Hevserokê Bajar ê DEM Partiyê Bekir Karakeçî wiha got: “Li Pirsûsê starta hilbijartinê ji aliyê desthilatdarî û dadgera desthilatdariyê ve hate dayîn. Gelê ku li ber xwe dide û hûn nikarin îradeya wê bişikînin, têkoşîna xwe didomîne. Em vê helwestê qebûl nakin û dixwazin ku demildest hevalên me yên binçavkirî, bên berdan.”

Parlamenterê DEM Partiyê Ferît Şenyaşar jî wiha got: “Xelkê Pirsûsê ti carî serî li ber polîtîkayên zextê yên desthilatdariyê netewand. Her tim li ser sindoqê îradeya xwe nîşan da. Desthilatdariyê zanî ku wê Pirsûsê bi dest nexe. Lewma bi karanîna hêza dewletê û bi polîtîkaya qeyûm xelkê Pirsûsê ceza dike.”