Piştî ku li Cizîrê Partiya Demokratîk a Gelan (HDP) di hilbijartina xwecihî de di asta rekorê de ji sedî 76’ê dengan bi dest xist û şûnde pîrozbahiyên duh şev destpêkir îro jî dom kirin. Bi hezaran kesên li pêşiya avahiya HDP’ê hatin ba hev bi tevlîbûna hevşaredaran Mehmet Zirig û Berîvan Kutlu û parlementera Şirnexê Nûran Îmîr şahiyek hate lidarxistin.

Girseya danê nîvro hatin ba hev li ber stranan demeke dirêj govend gerandin. Jin û ciwanên li qadê bal kişandin. Her ku dem derbas bû hejmara gel zêde bû û pîrozbahî bi coş dom kir. Di pîrozbahiyê de bê navber dirûşmên ‘Bijî Berxwedana HDP’ê’, ‘Bijî Berxwedana Zindanan’ û ‘Bijî Bi We Serbilind e’ qîr kirin.

Hevşaredaran silav da gel û spasiyên xwe pêşkêşî gel kirin.

Pîrozbahî bi gerandina govendê ve bi dawî bû.