Bedrî Çakmak li Girtîgeha Tîpa D a Amedê ku lê dîlgirtî bû, bi kansera mîdeyê ketibû û ji ber ku daket 35 kîloyan, li ser hewldanan di sala 2021'ê de hate berdan.

Federasyona Komeleyên Piştevaniya Hiqûqî ya Malbatên Girtî û Hikumxwaran a Medê (MED TUHAD-FED) bi daxuyaniyekê ragihand ku Bedrî Çakmak jiyana xwe ji dest daye.

Di daxuyaniyê de hate ragihandin ku li gel raporên 'nikare li girtîgehê bê hiştin' jî Bedrî Çakmak nehate berdan û piştî ku nexweşiya wî gihîşt asta herî bilind di sala 2021'ê de hate berdan.

MED TUHAD-FED'ê ragihand ku desthilatdarî ji mirina Bedrî Çakmak berpirsyar e û sersaxî ji amlbata Bedrî Çakmak re xwest.

Di daxuyaniyê de hate xwestin ku girtiyên nexweş hemû tavilê bêne berdan.