Navenda Ragihandin û Çapemeniyê ya HPG'ê li ser bomberdûmana balafirên şer ên artêşa Tirk daxuyaniyeke nivîskî da.

Di daxuyaniyê de hate gotin, "Balafirên şer ên artêşa TC a dagirker, 23'ê Kanûnê saet 20'an derdora Çemê Lolanê yê herêma Xakurkê û saet 21'ê jî qada Çiyayêreş a herêma Zapê yên Herêmên Parastinê yên Medyayê bombe kirin. Ji ber bomberdûmanê zerar negihişt hêzên me.

22'ê Kanûnê saet navbera 21:20 û 22'an, balafirên şer bombe li gundên Suredê û Sinemoka yên qada Suredê ya herêma Qendîlê barandin.

Ji ber vê bomberdûmanê 2 mirovên me yên sivîl birîndar bûn û zerar gihîşt, mal, bax û baxçeyên gundiyan."