Şehîd Navda Dînç hat oxirkirin
Navda Dînç ya ku li Gewerê di şerê ku dema berxwedana xwe rêveberiyê de derketibû şehîd bûbû, li navçeya Rezanê hat oxirkirin.
Navda Dînç ya ku li Gewerê di şerê ku dema berxwedana xwe rêveberiyê de derketibû şehîd bûbû, li navçeya Rezanê hat oxirkirin.
Endama YPS- Jin Navda Dînç (Bêrîtan Amed Evren) di pêvajoya berxwedana xwe rêveberiyê ya sala 2016’an de li navçeya Gewer a Colemêrgê di şerekê de şehîd bûbû û cenazeya wê li goristana bêkesan a li Erzerûmê hatibû veşartin. Cenazeya Dînç piştî 5 salan û zelalbûna hevgirtina testa DNA’yê 11’ê Mijdarê ji aliyê malbata wê ve hat standin.
Piştî pêkanîna rê û resmên olî cenazeya Dînç li Goristana Yenîkoy a li navçeya Rezanê hat oxirkirin.
SERSAXÎ TÊN QEBÛLKIRIN
Malbatê li Mala Şînê ya Dîcle ya li navçeya Rezanê sersaxî qebûl kirin. Endamên Saziya Malbatên Xizmên xwe Windakirinî û Piştewaniyê ya Dergûşa Şaristaniyê (MEBYA-DER), endam û rêveberên bajêr û navçeyê yên Partiya Demokratîk a Gelan (HDP), Partiya Herêmên Demokratîk (DBP) û endamên Saziya Alîkarî û Piştewaniyê ya bi Malbatên Girtî û Cezaxwariyan (TÛHAY-DER) îro serdanê merasîma sersaxiyê ya ji bo Dînç kirin û sersaxî xwestin.