Êrîşên li ser Efrînê li Wanê hatin şermezarkirin
Li Wanê çalakiyên ji bo şermezarkirina êrîşên dewleta Tirk ên ji bo dagirkirina Efrînê dewam dikin.
Li Wanê çalakiyên ji bo şermezarkirina êrîşên dewleta Tirk ên ji bo dagirkirina Efrînê dewam dikin.
Rêxistinên HDP'ê yên navçeyên Ebex û Artemêtê yên Wanê li dijî êrîşên dewleta Tirk ên ji bo dagirkirina Efrînê daxuyanî dan çapemeniyê.
Li avahiya HDP'ê ya Artemêtê, rêveberê HDP'ê yê navçeyê Haci Alacak daxuyanî da çapemeniyê û diyar kir, desthilatdariya siyasî ya Tirkiyeyê bi tevdan û pêşîvekirinê ya Rûsyayê re gelên Tirkiyeyê xistiye nava şerekî ku berdêlên wê giran be.
Alacak destnîşan kir ku êrîşa li ser Efrînê êrîşa li ser hemû gelên bindest e û got, "Desthilatdariya siyasî feraseta xwe ya rêveberiyê dispêre bê edaletî û xizaniyê. Ji bo vê feraseta xwe veşêre êrîşî Efrînê dike. Ev êrîş ne ya qebûlkirinê ye."
Li Ebexê jî Ramazan Bulte daxuyanî da û got, "Şer çareserî nîne, çareserî aştî ye" û xwest şerê ku desthilatdariya siyasî daye destpêkirin tavilê bê sekinandin.