Ji bo bîranîna gerîlaya PKK'ê Zeynep Kinaci (Zîlan) li paytexta Rûsya Moskowayê civînek hate lidarxistin.

Di civînê de bi wesîleya salvegera 26'an a çalakiya fedaî ya Zîlan sînevîzyonek hate nîşandan.

Seroka Organîzasyona Piştevaniya bi Jinên Kurd re ya Moskowayê (Viyan) Tera Qadir li civînê axivî û bal kişand ser rol û mîsyona jinên Kurd a di dîrokê de.

Tera Qadir anî ziman ku çalakiya Zîlan li dijî dijminên Kurdan xeta têkoşînê ye û gelê Kurd hîn bêhtir nêzî azadiyê kiriye.

Tera Qadir destnîşan kir ku heta gelê Kurd xwedî lehengên bi vî rengî be wê ti carî têk neçe.